ରାଜ୍ୟ

ଓଟିଏମ୍ ର ଲୁହ


ଶିିବବ୍ରତ ଦାସଙ୍କ ରିପୋର୍ଟ

ରାତିର ନୀରବତା ଭିତରେ ତାର ସେ ଗୁମୁରୀ ଗୁମୁରୀ କାନ୍ଦୁଛି । ତାର ସେ କାନ୍ଦଣାର ସ୍ୱର ପହଞ୍ଚି ପାରୁନି କାହାରି ପାଖରେ । ଯିଏ ତାକୁ ଜୀବନ୍ୟାସ ଦେଇଥିଲା ସେ ଆଜି ଆରପାରୀରେ । ଏମିତିରେ ପିତାଙ୍କ ସୁକୃତକୁ ବଜାୟ ରଖିବା ପୁଅର କର୍ତ୍ତବ୍ୟ ହୋଇଥିଲେ ବି ସେଥିରେ ବ୍ୟତିକ୍ରମ ହେଲା ।
ବଞ୍ଚାଇ ରଖିବାତ ଦୁରର କଥା ତାର ବିନାଶ ପାଇଁ ସ୍ୱକୃତି ଦେଇଦେଲେ ।
ଆମେ କହୁଛୁ ଓଡିଶା କାହିଁକି ପୁର୍ବ ଭାରତର ଏକମାତ୍ର ସମନ୍ୱିତ ବୟନ ଶିଳ୍ପ ପ୍ରତିଷ୍ଠାନ ଓଟିଏମ୍ କଥା ।

ଓଡ଼ିଶାର ମାନଚିତ୍ରରେ ପ୍ରଥମ ଶିଳ୍ପ ନଗରୀର ଆଖ୍ୟା ପାଇଥିବା ଚୌଦ୍ୱାର ଆଜି ଶ୍ରୀହିନ । ସ୍ୱର୍ଗତଃ ବିଜୁ ପଟ୍ଟନାୟକଙ୍କ ଅଦମ୍ୟ ଚେଷ୍ଟାରେ ସମୃଦ୍ଧ ହୋଇଥିବା ଚୌଦ୍ୱାର ଶିଳ୍ପାଞ୍ଚଳକୁ ତାଙ୍କର ଭଲ ପାଇବାର ପ୍ରମାଣ ଥିଲା ଓ.ଟି.ଏମ୍ ।
ଏକଦା ଓଡ଼ିଶାର ପ୍ରଥମ ବୃହତ୍ ତଥା ପୂର୍ବ ଭାରତର ଏକମାତ୍ର ପୂର୍ଣ୍ଣାଙ୍ଗ ସମନ୍ୱିତ ବୟନ ଶିଳ୍ପ ଓଡ଼ିଶା ଟେକ୍ସଟାଇଲ୍ସ୍କୁ ରାଜ୍ୟ ସରକାର ସମୂର୍ଣ୍ଣ ରୂପେ ବନ୍ଦ କରିଦେଲେ । ସରକାରଙ୍କ ଏପରି ନିଷ୍ପତିଯୋଗୁଁ ଅନ୍ଧାରକୁ ଚାଲିଗଲା ଶହଶହ ଶ୍ରମିକଙ୍କ ଭାଗ୍ୟ । ସ୍ୱେଚ୍ଛାକୃତ ଅବସର ମାଧ୍ୟମରେ କେବଳ ଗ୍ରାଚ୍ୟୁଟି ଓ ଲିଭ୍ ସାଲାରି ଗଣ୍ଡାକ ଧରାଇ ଦେଇ ସରକାର ନିଜର ଦାୟିତ୍ୱ ସାରିଦେଲେ । ଅନ୍ୟାନ୍ୟ ଦାବୀ ସମ୍ପର୍କରେ ଯଥାର୍ଥ ଆକଳନ କରାଗଲା ନାହିଁ ।

ଶ୍ରମିକ ମାନେ କ୍ରମଶଃ ଚରମ ଅସହାୟତା ଭିତରକୁ ଠେଲି ହୋଇଗଲେ । ଖାଲି ଶ୍ରମିକ ମାନଙ୍କ ଘରେ ଚୁଲି ଜଳିବା ବନ୍ଦ ହୋଇ ଗଲାନାହିଁ ବରଂ ଏତେବଡ ବୃହତ ଶିଳ୍ପକେନ୍ଦ୍ରରେ ତାଲା ପଡିଗଲା ।
କ୍ରମଶଃ ଓଟିଏମ୍ ଏବେ ଏକ ଭୁତ କୋଠୀରେ ପରିଣତ ହେଲାଣି । ଚୌଦ୍ୱାର ବଜାର ଉପରେ ଠିଆ ହୋଇଥିବା ଏହି ଶିଳ୍ପକେନ୍ଦ୍ରକୁ ଦେଖିଲେ ବର୍ତ୍ତମାନର ରାଜ୍ୟ ସରକାରଙ୍କ ଶିଳ୍ପାୟନ ଚିନ୍ତା ଉପରେ ପ୍ରଶ୍ନବାଚୀ ସୃଷ୍ଟି କରେ । ଓଟିଏମ୍ର ପୁନଋଦ୍ଧାର କଣ ସମ୍ଭବ ନୁହେଁ? ଏପରି ପ୍ରଶ୍ନର ଉତ୍ତର କେବଳ ସରକାରହିଁ ଦେଇ ପାରିବେ ।

Click to comment

Leave a Reply

Your email address will not be published. Required fields are marked *

4 × 1 =

Most Popular

To Top