ଅବିଭକ୍ତ କଟକ

ଟୁ ଇନ୍ ୱାନ୍ ଆମ୍ବୁଲାନ୍ସ!

ସ୍ୱାସ୍ଥ୍ୟ ବିଭାଗରେ ଅନେକ ନକଲିଙ୍କ କଥା ଆମେ ଆଗରୁ ଶୁଣିଛେ । କେବେ ନକଲି ଡାକ୍ତର ତ ଆଉ କେବେ ନକଲି ଫାର୍ମାସିଷ୍ଟ୍ । ନକଲି ଔଷଧ କଥା ତ ଏକ ନିତି ଦିନିଆ ଖବର । ହେଲେ ସବୁ ନକଲି ସହିତ ଏବେ ଯାହା ନକଲି ଯୋଡି ହୋଇ ଯାଇଛି ତାହା ଆପଣ ଶୁଣିଲେ ଆଶ୍ଚର୍ଯ୍ୟ ହୋଇଯିବେ । ଏହା ପୁଣି ଆବିସ୍କାର ହୋଇଛି କେନ୍ଦ୍ରାପଡାରେ । ତାହା ହେଉଛି ନକଲି ୧୦୮ ଆମ୍ବୁଲାନ୍ସ । ଫୋନ କରିଦେଲେ ଆମ୍ବୁଲାନ୍ସ ହାଜର । ହେଲେ ବ୍ୟତିକ୍ରମ ହେଉଛି ଏତିକି ୧୦୮ ଆମ୍ବୁଲାନ୍ସରେ ଯାହା ଯାହା ସରକାର ବ୍ୟବସ୍ଥା କରିଛନ୍ତି ତାହା ଏ ଆମ୍ବୁଲଊାନ୍ସରେ ଉପଲବ୍‌ଧ ନାହିଁ । ହେଲେ ଏହା ଆଉ ଏକ କାମରେ ବି ଲାଗୁଛି । ଗୋଟିଏ ପଟେ ୧୦୮ ଲେଖା ଯାଇଥିବା ବେଳେ ଅନ୍ୟପଟେ ଲେଖା ଯାଇଛି ଜନନୀ ଏକ୍ସପ୍ରେସ୍ । ମୋଟାମୋଟି କହିବାକୁ ଗଲେ ଟୁ ଇନ୍ ୱାନ୍ ଆମ୍ବୁଲାନ୍ସ । ଯେତେବେଳେ ଯେଉଁ ଋପରେ ଦେଖିବାକୁ ଚାହିଁ ତାହା ସେହି ଋପରେ ଦେଖାଦେବ । କେନ୍ଦ୍ରପଡା ଜିଲ୍ଲାରେ ମୋଟ ୧୫ଟି ଜନନୀ ଏକ୍ସପ୍ରେସ ରୋଗୀ ପରିବହନ କାର୍ଯ୍ୟରେ ନିଯୁକ୍ତ ହୋଇଛନ୍ତି । କିନ୍ତୁ ଏହି ଆମ୍ବୁଲାନ୍ସଟି ସବୁଠୁ ନିଆରା । ବାରମ୍ବାର ଏହି ଆମ୍ବୁଲାନ୍ସଟି ମେଡିକାଲକୁ ରୋଗୀ ପରିବହନ କରୁଥିଲେ ମଧ୍ୟ କର୍ତ୍ତୃପକ୍ଷଙ୍କର ସେଥି ପ୍ରତି ନିଘା ଥିବା ପରି ଲାଗୁନାହିଁ । ନହେଲେ ରୋଗୀଙ୍କ ଜୀବନକୁ ନେଇ ଖେଳୁଥିବା ଏହି ଆମ୍ବୁଲାନ୍ସଟି ଚାଲନ୍ତା କପରି ବୋଲି ସାଧାରଣରେ ପ୍ରଶ୍ନ ଉଠୁଛି ।

Click to comment

Leave a Reply

Your email address will not be published. Required fields are marked *

three + 8 =

Most Popular

To Top